ஆன்லைனில் வாக்காளர் அடையாள அட்டையில் திருத்தம் செய்வது எப்படி?

ஆன்லைனில் வாக்காளர் அடையாள அட்டையில் திருத்தம் செய்வது எப்படி என்று பார்ப்போம்.

1. கீழே உள்ள உள்ள லின்க் ஐ க்ளிக் செய்து உள்ளே செல்லுங்கள்.

https://www.nvsp.in/Forms/Forms/form8?lang=en-GB

2. உங்கள் மாநிலம், மாவட்டம், சட்டமன்றத் தொகுதியைத் தேர்ந்தெடுங்கள்.

3. உங்கள் பெயர், உங்கள் பெயர் உள்ள வாக்காளர் பட்டியிலின் பாகம் எண், வரிசை எண், வாக்காளர் அடையாள அட்டை எண் ஆகியவற்றை உள்ளிடுங்கள்.

4. பெயர், புகைப்படம், வாக்காளர் அடையாள அட்டை எண், முகவரி, பிறந்த தேதி, வயது, உறவினர் பெயர், உறவு முறை, பாலினம் இதில் எதில் உங்களுக்கு மாற்றம் வேண்டுமோ அவற்றை தேர்ந்தெடுங்கள்.

5. நீங்கள் தேர்ந்தெடுத்தவற்றின் சரியான பெயர், சரியான ஊர், சரியான அஞ்சலகம், சரியான பின்கோடு, சரியான மாவட்டம், சரியான வாக்காளர் அடையாள அட்டை எண், சரியான பிறந்த தேதி, சரியான வயது, சரியான உறவினர் பெயர், சரியான உறவு முறை, சரியான பாலினம் ஆகியவற்றை உள்ளிடுங்கள்.

6. நீங்கள் தேர்ந்தெடுத்தவற்றின் சரியான விபரத்தை மட்டுமே உள்ளிட முடியும். ஒரு நேரத்தில் மூன்று பகுதிகளை மட்டுமே சரி செய்ய முடியும்.

7. நீங்கள் தேர்ந்தெடுத்த பகுதிக்கான சரியான விவரங்கள் அடங்கிய ஆவணங்களை ஸ்கேன் செய்து JPG ஃபைலாக 2 MB க்குள் சேவ் செய்ய வேண்டும். அதை உரிய இடத்தில் அப்லோட் செய்ய வேண்டும்.

8. விருப்பத்தின் பேரில் இமெயில் முகவரி, மொபைல் எண்ணை உள்ளிடலாம். விருப்பம் இல்லையெனில் உள்ளிடத் தேவையில்லை.

9. அடுத்து இடம், கேப்சாவை உள்ளிட்டு சப்மிட் பட்டனை அழுத்துங்கள்.

10. உடன் தோன்றும் ஒப்புகை ரசீதை பிரின்ட் எடுத்து வைத்துக்கொள்ளுங்கள்.